Tíðindi

KBH partur av byggingini av nýggja Borg 03.09.2024 Fyri tíð síðani, fór Borg í eina tilgongd at byggja ein nýggjan bygning til teirra virksemi, framvið nýggja fjørðuvegnum á Glyvrum. Arbeiði at byggja nýggja timburhandilin er nú fari ígongd. Byggingin fevnir um 6 samanbygdar hallir. Eina handils- og skrivsovuhøll, og hartil 5 goymsluhallir. Ì alt uml.7.500 fermetur. Byggivirkið KBH hevur ábyrgdina av bjálva og klæða handilbygningin og hartil klæðing av øllum goymslubygningunum. Fyrrapartin varð sáttmáli undirskrivaður millum partarnar, har Rodmundur Nielsen, Stjóri á Borg, og Benn og Helgi Johannessen frá Byggivirkið KBH undirskrivaðu avtaluna. Eftir ætlan flytir Borg í nýggja bygningin í komandi ári.

Serstøku húsini á Høganesi eru nú liðug 21.08.2024 Á heysti 2021 bleiv spakin settur í, til eina spennandi verkætlan har ið Byggivirkið KBH fór ígongd við at byggja 6 serstøk hús, á Høganesvegi í Nes Kommunu. Á sumri í fjør, vóru lyklarnir handaðir til eigararnar av teimun fyrstu húsunum, og nú tá øll verkætlanin komin at enda, búleikast nógvar familjur í hesum nýggja hugnaliga umhvørvinum. Húsini eru staðsett í framúrskarandi náttúruvøkrum umhvørvi, við sera góðum útsýni yvir Skálafjørðin. Vit takka øllum sum hava veri við í hesi verkætlan, fyri eitt gott samstarv og vilja eisini ynskja øllum eigarunum, hjartaliga tillukku við teirra nýggja heimi. Byggivirkið KBH.

Búfelagsskapurin á Toftum reistur! 05.03.2024 Tann 05.03.24 var reisigildi í samband við at nýggi íbúðarbygningurin til  búfelagsskap var reistur. Í hesum sambandi var eitt hátíðarhald inni í hølunum hjá Nes Kommunu, har umboð fyri Landsstýri, Almannaverkið, Bústaðir og arbeiðstakarar luttóku. Íbúðarbygningurin er í trimum hæddum við 18 íbúðum, staðsettur á Kneysum á Toftum. Talan er um eina verkætlan, har Bústaðir saman við Almannaverkinum hava  avtala bygging av íbúðum til ein búfelagsskap. Íbúðirnar verða uml. 50 fermetur. Afturat íbúðunum verður felagshølir, starvsfólkarúm, goymsla, tøknirúm vm. Aftanfyri bygningin verður gjørt eitt elevatortorn, trappur, svalagongd og stuðlamúrur við hegn. Frammanfyri bygningin verður altan, terrassa og parkering. Byggivirkið KBH hevur ábyrgd av verkætlanini sum heildararbeiðstakari. Væntandi verður verkætlanin liðug á

Bjarni Zachariassen útlærdur 25.10.23 Seinasta fríggjadag bleiv okkara dugnaligi lærlingur, Bjarni Zachariassen útlærdur sum timburmaður. Starvsfelagarnir samlaðust til ein kaffimunn, har Benn og Helgi bóru fram eina heilsan og handaðu honum sveinabrævi. Bjarni ferð í næstum undir nýggjar avbjóðingar. Vit í Byggivirkið KBH vilja ynskja Bjarna hjartaliga tillukku við útbúgvingini og bestu eydnu framyvur.

Alis-evnafrøðistova í Tofta skúla dagførast 25.09.2023 Seinastu árini eru fleiri umvælingar og dagføringar gjørdar í Tofta skúla. Eitt nú eru dagføringar gjørdar í svimjihøllini, 1958-bygningurin er klæddur og nýggj tónleikahøli eru gjørd. Býráðið í Nes Kommunu hevur samtykt at takað av tilboði frá byggivirkinum KBH um at umbyggja hølini til alis- og evnafrøði. Fyrrapartin varð sáttmáli undirskrivaður millum partarnar. Vegna Nes kommunu undirskrivaði Súni í Hjøllum, borgarstjóri, og vegna KBH undirskrivaði Helgi Johannesen, stjóri. Teknistovan í Gøtu hevur teknisku umsitingina av verkætlanini. Eftir ætlan verur arbeiði sett ígongd í næstum.